Материалдар мен химияны жеткізу
МҰНАЙ-ГАЗ ЖӘНЕ ТАУ-КЕН ӨНЕРКӘСІБІНЕ АРНАЛҒАН ХИМИЯЛЫҚ РЕАГЕНТТЕР
Біздің компания бұрғылау жұмыстарына жауапты көзқарас қағидаттарын ұстана отырып, жобаның әрбір кезеңінде жоғары тиімділік пен қауіпсіздікті қамтамасыз етеді.
Бұрғылау қауіпсіздігіне қосқан үлесіміз
Біздің басты міндетіміз – өндірістің әрбір кезеңінде қауіпсіздік пен сапаны қамтамасыз ету. Stim Services еңбекті қорғау және қоршаған ортаны қорғау саласында жоғары стандарттарға қол жеткізуге ұмтылады. Бұрғылау ерітінділерінің жүйелері ұңғымаларды салу процесінің геологиялық және технологиялық ерекшеліктеріне қарай жеке таңдалып, зертханалық сынақтардан өтеді.
Су негізіндегі бұрғылау ерітінділеріне арналған химиялық материалдар
Полимерлер – сүзілуді төмендету, инкапсуляциялау және тұрақтандыру функцияларын атқаратын әртүрлі полимер түрлері. Тұщы, теңіз, орташа және жоғары минералданған (қанығуға дейін) су негізіндегі бұрғылау ерітінділерінде қолданылады.
Полимерлерді құрамына байланысты қолдану
- сүзінді су мөлшерін азайтады және сүзгі қабығының сапасын жақсартады
- бұрғыланған жынысты инкапсуляциялап, шлам мен ұңғыма қабырғаларын қорғаныш полимер қабықшасымен қаптау арқылы ұңғыма оқпанының тұрақтылығын арттырады
- сазды бөлшектердің гидратациялануына жол бермейді
- бұрғылау ерітінділерінің реологиялық қасиеттерін реттеп, жынысты шығару және ұстап тұру қабілетін қамтамасыз етеді.
Саз ингибиторлары – сазды бөлшектердің гидратациялануын болдырмайды. Құрамына байланысты саз ингибиторлары сұйық немесе құрғақ күйде жеткізілуі мүмкін.
Бактерицидтер – кең әсер ету ауқымына ие сұйық биоцидтер, полисахаридтер сияқты бұрғылау ерітінділерінің органикалық компоненттерінің бактериялық ыдырауын болдырмауға арналған.
Майлаушы қоспалар – мұнай өнеркәсібінде бұрғылау ерітіндісінің үйкеліс коэффициентін төмендету, бұрғылаудың механикалық жылдамдығын арттыру және кептелу қаупін азайту үшін қолданылады. Майлаушы қоспалар КНБК элементтерінің үйкелісін, бұрғыланған жыныстың жабдықтарға және бұрғылау ерітіндісін тазалау жүйесіне жабысып қалуын азайтады, айналым жүйесінің қозғалмалы элементтерінің тозуын төмендетеді.
Кольматанттар – ұңғымаларды салу (бұрғылау) кезінде бұрғылау және тампонаж ерітінділеріне толтырғыш ретінде қолданылып, бұрғылау ерітіндісінің ұңғыма кеуектері мен жарықшақтарына сіңуін болдырмау және азайту үшін арналған. Өтімді жыныстардағы жұтылумен күресу үшін пайдаланылады.
ЖАБДЫҚТАР
Біздің компания кен орындарында тиімді әрі сенімді жұмысты қамтамасыз ете отырып, жоғары техникалық стандарттарға сәйкес тазалау жабдықтары қызметтерін ұсына алады.
Виброситалар – екі қозғалтқышы бар сызықтық виброситалар болып табылады, бұрғылау саласында ұсақ дисперсті бөлшектерді бөлуге арналған. Жабдықтың модульдік құрылымы пайдалану кезінде икемділікті қамтамасыз етеді. Барлық жабдық абразивті және коррозиялық ортаның әсеріне төтеп беру үшін арнайы жабынмен қапталған.
Електі-гидроциклонды қондырғылар (оның ішінде құмұстағыштар мен лайұстағыштар) центростремді үдеудің әсерінен қатты бөлшектердің жоғарыдан төмен қарай спираль бойымен тұнуы арқылы бұрғылау ерітіндісін тазалаудың екінші және үшінші сатылары болып табылады. Бөлшектерді жою диапазоны 15–400 микрон аралығында.
Центрифугалар минутына 4000 айналымға дейінгі жылдамдықпен айналатын барабанмен жабдықталып, бұрғылау ерітіндісін ұсақ дисперсті қатты фазадан (10 микронға дейін) жоғары деңгейде тазартады. Бұрғылау кезінде соңғы тазалау сатысы ретінде қолдануға өте қолайлы.
Сүзу қондырғысы – алмастырмалы сүзгі элементтерін, сүзгі картридждерін немесе сүзгі қаптарын пайдалану арқылы сұйықтықтардан бөлшектерді кетіруге және/немесе көмірсутектерді адсорбциялауға арналған қосарланған біріктірілген сүзгі блогы. Сүзгі картридждері/қаптары ластаушы заттарды ұстап, өз ішінде сақтайды. Сұйықтық сүзгілер арқылы өту барысында тазарады.
